"მანჩესტერ იუნაიტედის" ყოფილმა კაპიტანმა, უეინ რუნიმ რომელუ ლუკაკუ გააფრთხილა, რომ "ოლდ ტრაფორდზე" უმაღლესი სტანდარტების დაკმაყოფილება მოუწევს.
მიმდინარე სატრანსფერო ფანჯარაზე ინგლისის ყველა დროის საუკეთესო ბომბარდირმა "წითელი ეშმაკების" რიგები დატოვა და ბავშვობის გუნდს მიაშურა, საიდანაც თავის მხრივ "იუნაიტედმა" ბელგიელი ფორვარდი გადაიბირა.
რუნი ლუკაკუს აფრთხილებს, რომ "იუნაიტედში" ძალიან მაღალი დონის მოთხოვნილებებია, რომელთა დაკმაყოფილებაც აუცილებელია.
"მანჩესტერ იუნაიტედში" თამაში - ეს ხასიათის გამოცდაა. ძლიერი უნდა იყო სულიერად, რათა ასეთ გამოწვევას გაუმკლავდე.
"იუნაიტედი" - ეს წარმატების მომთხოვნი საფეხბურთო კლუბია. რომელუ საკმარისად ძლიერი უნდა იყოს ამ გამოწვევასთან გასამკლავებლად. მთელი თავისი უნარითა და ხასიათის გამოყენებით ამას თუ გაუმკლავდება, წარმატებულიც იქნება. ხოლო თუ ასეთ საკითხებზე იღელვებს, ძალიან გაუჭირდება.
"მანჩესტერ იუნაიტედში" გარკვეული სტანდარტებია, რომელთაც უნდა აკმაყოფილებდე. ეს ჯერ კიდევ სერ ალექსის ეპოქიდან მოდის. როცა "იუნაიტედში" გადავედი, გიგზის, გარი ნევილისა და სქოულზის მსგავსი ფეხბურთელებისგან გავიგე ამის შესახებ.
ბოლო წლებში ახალწვეულ ფეხბურთელებს უფრო უჭირთ, მაგრამ ეს აღარ არის ჩემი საქმე. აღფრთოვანებული ვარ იმით, რომ "ევერტონში" დავბრუნდი", - განაცხადა რუნიმ.