"ლოს-ანჯელეს გალაქსისთან" გამართული ამხანაგური მატჩის შემდეგ ჟოზე მოურინიო პრესკონფერენციაზე ჟურნალისტებს შეხვდა, სადაც შემდეგ თემებზე ისაუბრა:

პოზიტიური დასაწყისი

"კარგი თამაში იყო, ამასთან ტრავმებიც არ გვაქვს თუ ფოსუ-მენსას არ ჩავთვლით. პირველ რიგში ჩემთვის მთავარი იყო ფეხბურთელებს მიეღოთ სათამაშო პრაქტიკა, შემდეგ მენახა თუ როგორ ითამაშებდნენ ისინი იმ სისტემაში, რომლითაც ჩვენ გასულ სეზონში მხოლოდ 2 მატჩი ჩავატარეთ. ამ სისტემაზე ჩვენ ბოლო 2 დღეა რაც ვმუშაობდით და საკმაოდ კმაყოფილი ვარ მიღწეული პროგრესით."

"გალაქსი" კარგი მოწინააღმდეგეა

"მოწინააღმდეგე გუნდის მწვრთნელს დღეს გამარჯვებაზე არ უთამაშია, მას უბრალოდ სურდა ფეხბურთელებისთვის სათამაშო დრო და გამოცდილება მიეცა. როგორც ჩვენ მათაც ორივე ტაიმი განსხვავებული შემადგენლობით ითამაშეს. მეორე ტაიმში მათ შემადგენლობაში უფრო გამოცდილი ფეხბურთელები გამოჩდნენ და ჩვენც თამაში უფრო გაგვიჭირდა, მაგრამ ვფიქრობ რომ 5-2 მათ ისე ადარდებთ როგორც ჩვენ, შედეგი აქ მნიშვნელოვანი არ არის. ეს იყო შესანიშნავი ვარჯიში და მე "გალაქსისა" და მის ფეხბურთელებს მადლობა მინდა გადავუხადო ასეთი კარგი შესაძლებლობისთვის."

3 მცველით თამაში

"5 დღეა რაც ვვარჯიშობთ. ამ სისტემაზე სადღაც 4 საათი ვიმუშავეთ და მე ძალზედ კმაყოფილი ვარ. ჩვენ კიდევ მოგვიწევს ამ სქემის დამუშავება. გასულ სეზონში ამ სქემით ორი მატჩი ჩავატარეთ "როსტოვის" წინააღმდეგ. ახალ სეზონში კი კვლავ მოგვიწევს ამ ფორმაციით თამაში და ჩვენ ამისთვის მზად უნდა ვიყოთ."

ლუკაკუს თამაში

"რუნის და ლუკაკუს შედარება არაკორექტულია, რადგანაც ჩვენთან რუნი არ ყოფილა თავდამსხმელი. ლუკაკუ ყოველთვის კარისკენ იყურება, მას კარგად შეუძლია მცველებთან ზურგით თამაში. ლუკაკუ გუნდის მთავარი მიზანი და ადრესატია, მასთან ბოლო გადაცემა უნდა მივიდეს. ის ძალზედ სწრაფია, არ არის ეგოისტი და თამაშობს გუნდზე, მან ეს ყველაფერი დღეს კარგად მაჩვენა."

რაშფორდის პროგრესი

"რაშფორდი ბუნებრივად ვითარდება. ყველამ იცის რომ ახალგაზრდა ადამიანის სხეული იცვლება. ის 3 სანტიმეტრით გაიზარდა ჩემი აქ მოსვლის შემდეგ 13 თვის წინ. მის სხეულს თუ დააკვირდებით ნახავთ რომ ის ფიზიკურადაც მომძლავრდა, მაგრამ რა თქმა უნდა მისი მთავარი კოზირი სისწრაფეა. დღეს მას და ლუკაკუს ერთად არ უთამაშიათ, თუმცა ვაპირებთ მათ ერთად თამაშსაც, რადგანაც ვფიქრობ რომ ისინი ერთად კარგად ითამაშებენ."

რაშფორდი გოლებს გაიტანს

"გასული სეზონის ამ პერიოდში ჩემზე ბევრს ამბობდნენ, რომ მე მას ვერ გამოვიყენებდი, მაგრამ საბოლოოდ ის გუნდის ერთ-ერთი საუკეთესო მოთამაშე იყო და ამან რა თქმა უნდა დიდი გავლენა იქონია მის განვითარებაზე. რაშფორდმა ევროპა ლიგაზე ითამაშა მნიშვნელოვან მატჩებში, მან ბევრი ისწავლა და ბევრსაც სწავლობს. ის შესანიშნავი პროფესიონალია, რაც მთავარია მარკუსი საქმეს სწორად უდგება. გასულ შეიძლება მას ბევრი გოლი არ გაუტანია, მაგრამ ეს არ არის ტრაგედია, ეს განვითარების ერთ-ერთი ნაწილია. დარწმუნებული ვართ რომ წელს ის უფრო მეტ გოლს გაიტანს."

კაპიტანი მაიქლ ქერიქი

"ვიცე კაპიტანი ჩვენ არ გვყავს, ჩვენ გვყავს კაპიტანი და ეს სავსებით საკმარისია. მე არ მომწონს კრიტერიუმი, რომლის მიხედვითაც კაპიტანი არის ის ფეხბურთელი, რომელიც გუნდში ყველაზე დიდხანს იმყოფება. თუმცა გუნდში არიან ფეხბურთელები რომლებიც უნდა მოემზადონ ამ როლისთვის, რადგანაც მაიკლი გუნდის კაპიტანი იქნება 1 წელს, შესაძლოა 2 წელსაც, ეს მასზეა დამოკიდებული თუ როგორ იგრძნობს ის თავს მომავალში. თუმცა წელს მხოლოდ 1 კაპიტანი გვეყოლება."

წყარო: MANUTD.COM