ყველაფერი რაც უნდა იცოდე რომელო ლუკაკუს პოტენციური ტრანსფერის შესახებ.
Sky Sports -ის ჟურნალისტი ჯეიმს კუპერი რომელუ ლუკაკუს "მანჩესტერში" პოტენციური ტრანსფერის შესახებ:
"მანჩესტერ იუნაიტედის" £75 მილიონიანი შეთავაზება მიღებულია. რამდენი ხანი ამზადებდა "იუნაიტედი" ამ შეთავაზებას ?
"მითხრეს რომ ეს შეთავაზება რამდენიმე კვირის განმავლობაში მზადდებოდა. ეს არ იყო შეთავაზება რომელიც ერთ დღეში ან ერთ კვირაში მომზადდა."
"ჟოზემ ვუდვორდს სასურველი ფეხბურთელების სია მაისის დასაწყისში გადასცა. მას 4-5 პოზიციაზე სურდა ფეხბურთელების შეძენა, თითოეულ პოზიციაზე ჟოზეს 4 კანდიდატურა ჰყავდა. როგორც ვიცი ლუკაკუ მისი ნომერ პირველი სამიზნე იყო"
"ყველანი ფიქრობდა, რომ ლუკაკუს "ჩელსიში" გადასვლა გადაწყვეტილი იყო. ეს მომენტი "იუნაიტედმა" კარგად გამოიყენა და იმუშავა ტრანსფერზე, რომელიც ბევრს შეუძლებლად მიაჩნდა."
"გასულ თვეში ლუკაკუმ ჩემს კოლეგას უთხრა, რომ იცოდა თუ სად გააგრძელებდა კარიერას. ამიტომ გვაქვს უფლება ვივარაუდოთ, რომ ტრანსფერი უკვე მაშინ იყო მოლაპარაკებების მნიშვნელოვან სტადიაზე."
როდის იგეგმება ტრანსფერის დასრულება ?
"ფეხბურთელები ვარჯიშს შაბათს უბრუნდებიან. კვირას ისინი ლოს-ანჯელესში გაფრინდებიან. მთელი მომავალი კვირის განმავლობაში ისინი იქ ივარჯიშებენ."
"იუნაიტედს" "ლოს-ანჯელეს გალაქსისთან" და "რეალ სოლტ ლეიქთან" აქვს პირველი მატჩები ჩასატარებელი. შემდეგ ისინი "სიტის", "რეალს" და "ბარსელონას" ეთამაშებიან. სავარაუდოა, რომ ამ მატჩებში მათ უკვე ეყოლებათ ლუკაკუ."
"რა თქმა უნდა შესაძლოა, რომ მათ ლუკაკუ ამ დღეებში დაიმატონ, თუმცა ამას დიდი მნიშვნელობა არ აქვს."
"იუნაიტედი" მორატას აღარ შეიძენს ?"სანდო წყაროების ინფორმაციით "იუნაიტედი" მორატას აღარ შეიძენს. მაგრამ აქ ერთგვარ თამაშთან შეიძლება გვქონდეს საქმე. ლუკაკუს შეძენით "იუნაიტედი" ერთგვარ თამაშს ითამაშებს. თუ მორატას "რეალიდან" წასვლა აქვს გადაწყვეტილი, მაშინ პერეზს აუცილებლად მოუწევს მისი სატრანსფერო ფასის დაკლება. თუ ისინი ფეხბურთელს ფასს დააკლებენ არავინ იცის რა მოხდება."
რამდენად დიდი როლი ითამაშა მინო რაიოლამ ?"რა თქმა უნდა ამ ტრანსფერის ერთ-ერთი მთავარი შემოქმედი მინო რაიოლაა. მან "იუნაიტედში" უკვე მიიყვანა იბრაჰიმოვიჩი, პოგბა და მხითარიანი. ვუდვორდთან რაიოლას კარგი ურთიერთობა აქვს. ამიტომ რა თქმა უნდა ლუკაკუს ტრანსფერი იტალიელმა დიდი როლი ითამაშა."
წყარო:
Sky Sports