მატეო დარმიანი ის ერთ-ერთი ფეხბურთელია, რომელსაც "მანჩესტერიდან" წასვლას უწინასწარმეტყველებდნენ, თუმცა როგორც ჩანს იტალიელი გუნდს არ დატოვებს და მომავალ სეზონსაც "იუნაიტედის" რიგებში ჩაატარებს.
ESPN ავრცელებს ინფორმაციას, რომ ჟოზე მოურინიო კმაყოფილია დარმიანის თამაშით და ის სულაც არ აპირებს მის გუნდიდან გაშვებას. პორტუგალიელი თვლის, რომ "იუნაიტედს" წინ რთული და ხანგრძლივი სეზონი ელოდება და მას დარმიანი აუცილებლად დასჭირდება.
შეგახსენებთ, რომ იტალიელი ფეხბურთელით "იუვენტუსი" და "ინტერი" არიან დაინტერესებულნი.