ფრანგული მედია ავრცელებს ინფორმაციას, რომლის თანახმად "მონაკოელებმა" ფაბინიოს თაობაზე მიღებული შეთავაზება უარით გაისტუმრეს.
Le Parisen იტყობინება, რომ პარიზელებმა ფაბინიოს სანაცვლად "მონაკოს" 45 მილიონი ევრო შესთავაზეს, თუმცა ეს შეთავაზება უარით იქნა გასტუმრებული.
უარის მთავარი მიზეზი ის გახლავთ, რომ "მონაკოს" მისი ერთ-ერთი ვარსკვლავის კონკურენტ გუნდში გაშვება არ სურს. მათ ფეხბურთელის შენარჩუნება სურთ, თუმცა თუ ბრაზილიელი მაინც გადაწყვეტს წასვლას, ხელმძღვანელები იმედოვნებენ რომ ფაბინიოს რომელიმე უცხოურ გუნდში გაუშვებენ.
ბრაზილიელს ფრანგულ გუნდთან კონტრაქტი 2021 წლამდე აკავშირებს. შეგახსენებთ, რომ ფაბინიოთი "მანჩესტერ იუნაიტედიცაა" დაინტერესებული.