რომელო ლუკაკუ "მანჩესტერის" ერთ-ერთ სამიზნედ მოიაზრებოდა, თუმცა შემდეგ გავრცელდა ხმები ბელგიელის "ჩელსიში" გადასვლის თაობაზე.
"იფსვიჩის" ყოფილი ფეხბურთელი პოლ მარინერი, რომელსაც "ევერტონის" სპორტულ დირექტორთან ახლო ურთიერთობა აქვს აცხადებს, რომ "იუნაიტედმა" ლუკაკუს თაობაზე "ევერტონს" გაუკეთა შეთავაზება.
"ჩემი მეგობარი სტივ ვოლში ახლა "ევერტონის" სპორტული დირექტორია. მას ხშირად ვესაუბრები. გუნდმა უკვე შეიძინა კარგი ფეხბურთელები. მათი მთავარი მიზანი ოთხეულში მოხვედრაა. კუმანის სახით "ევერტონს" დიდებული მწვრთნელი ჰყავს. ისინი კიდევ შეიძენენ ფეხბურთელს. საიდან ამდენი ფული ? მათ ჰყავთ რომელუ ლუკაკუ. ის აუცილებლად დატოვებს გუნდს. ვიცი, რომ მას "ჩელსისგან" და "იუნაიტედისგან" აქვს შეთავაზებები, თუმცა ჩემთვის უცნობია თუ რომელ გუნდს აირჩევს ბელგიელი."