"მანჩესტერ იუნაიტედის" ოფიციალური საიტის თანახმად ჯოშ ჰაროპი "პრესტონ ნორზ ენდს" შეუერთდება.
ფეხბურთელს კონტრაქტი თვის ბოლოს ეწურება და სწორედ ამის შემდეგ შეუერთდება ის "პრესტონს". ჰაროპმა გულშემატკივრებს თავი მისი სადებიუტო გოლით დაამახსოვრა ("კრისტალ პალასის" კარში).
მან "იუნაიტედის" რეზერვებში 25 შეხვედრა ჩაატარა, სადაც 10 გოლის გატანა მოახერხა. ამ მაჩვენებლით ის რეზერვების ბომბარდირიც გახდა.
"იუნაიტედი" წარმატებას და ყოველივე საუკეთესოს უსურვებს მას მომავალში - ნათქვამია ოფიციალურ განცხადებაში.