თითქმის დადასტურებული ფაქტი გახდა, რომ დანი ალვესი მომდევნო სეზონიდან პეპ გვარდიოლას განკარგულებაში იქნება, ამიტომ იტალიელები სწრაფადვე ცდილობენ ბრაზილიელის ჩანაცვლებას და მათ ინტერესთა სფეროში ”იუნაიტედის” ფეხბურთელი მატეო დარმიანი მოექცა.
ცნობილია ასევე ის ფაქტიც, რომ ”იუვე” არამარტო მატეოთი არამედ ”არსენალის” მცველით ჰექტორ ბელერინით დაინტერესდა და მის შესაძენად ასევე ”ბარსელონაც” იყო აქტიურად ჩაბმული. როგორც ბოლოს გაირკვა ბელერინი კმაყოფილია ”არსენალში” და არსად წასვლას არ აპირებს უახლოეს მომავალში.
ყოფილი ”ტორინოს” ფეხბურთელი ”წითლებს” 2015 წელს შეუერთდა £ 12 მილიონად, მაშინ როცა ”იუნაიტედის” მთავარი მწვრთნელი ლუი ვან გაალი გახლდათ. ჟოზეს აზრით ამჟამინდელ ”მანჩესტერში” მისი ადგილი არ არის და სავარაუდოდ ზაფხულზე ის გუნდს დატოვებს.
პრესის ინფორმაციით იტალიელის სატრანსფერო ღირებულება შეადგენს £ 20 მილიონს.
მატეო დარმიანმა წელს ითამაშა ”ევროპა ლიგის” ფინალური შეხვედრა გადატვირთული ტრავმიანი ფეხბურთელებისდა გამო. აღნიშნული შეხვედრა კი ”წითელმა ეშმაკებმა” ”აიაქსთან” 2:0 მოიგეს.