ესპანელმა გამომძიებლებმა ჟოზე მოურინიოს გადასახადების გადაუხდელობაში დასდო ბრალი. ისინი თვლიან, რომ მოურინიო გადასახადებს მალავდა იმ პერიოდში, როდესაც ის მადრიდის "რეალის" მწვრთნელი იყო. ამას იუწყება დიდი მედია საშუალებები, მათ შორის BBC და Reuters.

მოურინიოს ბრალად ედება 3.3 მილიონი ევროს (2.9 მილიონი ფუნტის) დამალვაში 2011_დან 2012 წლამდე. პროკურატურის წარმომადგენლები აცხადებენ, რომ მოურინიომ რეკლამიდან მიღებული შემოსავალი დეკლარაციაში არ მიუთითა, რითიც უკანონო შემოსავალი მიიღო. მისი წარმომადგენლები კი კომენტარს ჯერჯერობით არ აკეთებენ.

შეგახსენებთ, რომ ცოტა ხნის წინ ესპანეთის საგადასახადო ორგანომ ბრალი რამოდენიმე ცნობილ ფეხბურთელსაც დასდო, როგორებიცაა ლეონელ მესი და კრიშტიანუ რონალდუ.