მადრიდის "რეალის" პრეზიდენტმა, ფლორენტინო პერესმა პრესას მიანიშნა, რომ ის აღარ არის დაინტერესებული "მანჩესტერ იუნაიტედის" კარის დარაჯით.
ორი წლის წინ, "რეალი" ახლოს იყო დავიდის გადასაბირებლად, თუმცა სატრანსფერო დედლაინის მიწურულს ესპანელებმა ყველა საჭირო დოკუმენტი ვერ წარმოადგინეს და ტრანსფერი ჩაიშალა. ამის გათვალისწინებით, მოსალოდნელი იყო, რომ მადრიდელები კვლავ ეცდებოდნენ "იუნაიტედის" კიპერის სამშობლოში დაბრუნებას, რომელიც რამოდენიმე წლის მანძილზე ზედიზედ გახდა "მანჩესტერ იუნაიტედის" წლის საუკეთესო მოთამაშე.
თუმცა, პერესის მიერ გაკეთებული განცხადებით, შეგვიძლია დავასკვნათ, რომ "რეალი" დავიდის ტრანსფერით აღარ ინტერესდება და მზად არის კოსტა-რიკელი კიპერის, კეილორ ნავასის კონტრაქტის გადახედვაზე.
"ორი წლის წინ ჩვენ გარკვეული პრობლემები გვქონდა და ვცდილობდით დეხეას გადაბირებას, მაგრამ მას შემდეგ ბევრი რამ შეიცვალა. ჩვენი მოთამაშეები და მწვრთნელები ენდობიან კეილორს. რატომ უნდა იჩქარო მოთამაშის შეძენას, როდესაც იცი და ხედავ შენი კიპერის, კეილორის შესაძლებლობებს ?!" - განაცხადა პერესმა "Onda Cero"-სთან ინტერვიუში, სადაც მან ასევე ისაუბრა ალვარო მორატას, კრისტიანო რონალდოსა და ხამეს როდრიგესის შესაძლო წასვლაზე.
ჭორები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.