მადრიდის "რეალის" პრეზიდენტის, ფლორენტინო პერესის განცხადებით, მის კლუბს არანაირი შეთავაზება არ მიუღია "მანჩესტერ იუნაიტედისგან" ალვარო მორატას გადასაბირებლად.

გასული კვირის დასაწყისში ცნობილი გახდა, რომ "იუნაიტედმა" შეთანხმებას მიაღწია მადრიდის "რეალთან" ალვარო მორატას თაობაზე, რომელსაც არ აქვს ადგილი ძირითად შემადგენლობაში.

თუმცა, პერესის განცხადებით, არც "იუნაიტედისგან" და არც სხვა რომელიმე კლუბისგან შეთავაზება არ ჰქონია ესპანელის გადასაბირებლად.


"მიმდინარე ზაფხულს ჩვენ არ გვქონია არანაირი შეთავაზება ალვარო მორატაზე, კრისტიანუ რონალდოზე ან ხამეს როდრიგესზე. ჩვენ ვართ დიდი კლუბი, ძლიერი მოთამაშეებით დაკომპექტებული და შემდეგ სეზონში ვეცდებით კიდევ უფრო ძლიერები გავხდეთ" - განაცხადა პერესმა "Onda Cer"-თან ინტერვიუში.

შეგახსენებთ, რომ ლა ლიგის გასულ სეზონში ალვარო მორატამ 15 გოლის გატანა შეძლო.