კრიშტიანუ რონალდუ საფეხბურთო სამყაროს მთავარი სალაპარაკო თემაა. რამდენიმე დღის წინ გავრცელდა ხმები, რომ რონალდუს მადრიდის "რეალის" დატოვება სურს.
დღეს ის პირველად წარსდგა მაყურებლის წინაშე. კრიშტიანუმ პორტუგალიისა და მექსიკის ეროვნულ ნაკრებებს შორის გამართულ მატჩში მიიღო მონაწილეობა (შეგახსენებთ, რომ მატჩი ფრედ 2-2 დასრულდა), სადაც საკუთარ ანგარიშზე საგოლე გადაცემა მიითვალა.
მატჩის შემდგომ მან პრესასთან ნაკრების თამაშზე ისაუბრა, მის ირგვლივ მიმდინარე მოვლენებზე კი კომენტარის გაკეთებისგან თავი შეიკავა.
"ეს არ იყო სასურველი შედეგი. ჩვენ ბოლო წუთებში გავუშვით გოლი, მაგრამ ეს ფეხბურთია. ორი თამაში დაგვრჩა და ყველაფერი გვაქვს იმისათვის, რომ წარმატებას მივაღწიოთ. საკუთარ შესაძლებლობებში დარწმუნებული ვართ."