პორტუგალიელი "რეალის" დატოვებას აპირებს.
Sky Sports-ის წყაროების ცნობით, კრიშტიანუ რონალდუს ესპანეთში თამაში აღარ სურს, ამიტომაც მადრიდის "რეალის" დატოვებას აპირებს.
"მანჩესტერ იუნაიტედის" ყოფილი ფეხბურთელი გაბრაზებულია ესპანური გადასახადო სისტემის ჩინოვნიკების გამო და "რეალს" აცნობა, რომ კლუბიდან წასვლა სურს.
ესპანური პროკურატურა რონალდუს 14.7 მილიონი ფუნტის გადასახადის დამალვაში ედავება, რასაც პორტუგალიელი უარყოფს.
კრიშტიანუს მადრიდის რეგიონალური სახელმწიფო პროკურატურა ოთხი სახის გადასახადისგან თავის არიდებაში ადანაშაულებს, რომელთა შორის იმიჯის უფლების გადასახადიცაა.
მადრიდის სახელმწიფო პროკურატურის მტკიცებით, რონალდუმ იატაკქვეშა კომპანია გამოიყენა თავისი შემოსავლის რაოდენობის დასამალად.
ოქროს ბურთის 4-გზის მფლობელმა რეპორტიორებს ოთხშაბათს გამართული სავარჯიშო სესიის შემდეგ განუცხადა, რომ სუფთა სინდისი აქვს.
32 წლის ფეხბურთელმა გასული წლის ნოემბერში 5-წლიანი კონტრაქტი გააფორმა მადრიდელებთან და "რეალში" 2021 წლამდე აქვს შეთანხმება, თუმცა ამის მიუხედავადაც კი უწყვეტი იყო "იუნაიტედთან" მისი სახელის დაკავშირება.
არც თავად ფეხბურთელი მალავს "წითელი ეშმაკების" რიგებში დაბრუნების სურვილს, მაგრამ ინტერესი არსებობს ჩინეთიდანაც, სადაც სატრანსფერო ფანჯარა ორშაბათს იხსნება.
წყარო:
skysports