14 ივნისს, სოფიის ვასილი ლევსკის სახელობის ეროვნულმა სტადიონმა საქველმოქმედო მატჩს უმასპინძლა. ერთმანეთს "მანჩესტერ იუნაიტედის" ვეტერანები და "ყველა ვარსკვლავი" დაუპირისპირდნენ. მატჩის ორგანიზატორები დიმიტარ ბერბატოვისა და ლუიშ ფიგუს საქველმოქმედო ფონდები იყვნენ.
ბერბატოვმა ინგლისური კლუბის ყოფილი სახეები, ასევე ბულგარელი მეგობრები მიიწვია, მათ შორის - ედვინ ვან დერ სარი, დევიდ ჯეიმსი, რაიან გიგზი, გარი ნევილი, ნემანია ვიდიჩი, როი ფერდინანდი, პატრის ევრა, რობი კინი, კრასიმირ ბალაკოვი, სტილიან და მარტინ პეტროვები. გუნდის მწვრთნელად კი მარტინ იოლი მიიწვია, რომელიც ბულგარელის დამრიგებელი იყო "ფულჰემში".
ფიგუს "ოლ სტარში" მოხვდნენ ფრანჩესკო ტოლდო, იენს ლემანი, რობერტო კარლოსი, პრედრაგ მიატოვიჩი, იარი ლიტმანენი, გაისკა მენდიეტა, რობერ პირესი, დეკუ, დავიდ ტრეზეგე, დუაიტ იორკი, მიჩელ სალგადო, ნუნუ გომეში, ივან კორდობა, კრისტიან კარამბე და შოთა არველაძე.
თამაში უხვგოლიანი გამოდგა და 3-3 დასრულდა. ფიგუს გუნდიდან დუბლით ტრეზეგემ გაიფორმა, ერთი გოლი საბროსამ გაიტანა, ავტოგოლი მიითვალა მარჩენამ, ბერბატოვის გუნდიდან ასევე ორი გოლით თავი რობი კინმა გამოიჩინა.
ვიდეოები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.