"ტორინოს" ფორვარდი ანდრეა ბელოტი შესაძლოა მშობლიურ კლუბში დარჩეს. "ხარების" პრეზიდენტის განცხადებით, კლუბს სურს შეინარჩუნოს იტალიელი ფორვარდი.

ანდრეა ბელოტიმ გასული სეზონი უმაღლეს დონეზე ჩაატარა, სერია A-ს 35 ჩატარებულ შეხვედრაში 26 გოლის და 7 შედეგიანი გადაცემის გაკეთება მოახერხა. ასეთი ნაყოფიერი სეზონის ჩატარების შემდეგ მიიქცია ისეთი კლუბების ინტერესი როგორებიც "არსენალი", "ჩელსი", "ინტერი", "მილანი" და "მანჩესტერ იუნაიტედი" არიან. ფორვარდის მიმართ განსაკუთღებულ ინტერესს "მილანი" და "მანჩესტერ იუნაიტედი" გამოხატავენ და მზად არიან 23 წლის თავდამსხმელისთვის სოლიდური თანხა გადაიხადონ.

იტალიური და ინგლისური გრანდების ინტერესის მიუხედავად, "ტორინოს" ხელმძღვანელობას არ უნდათ კლუბის საუკეთესო ბობარდირის გაშვება და თუ თავად ბელოტიც მოისურვებს კლუბში დარჩენას მზად არიან ნებისმიერი შეთავაზება უარით გაისტუმრონ.

ტურინული კლუბის პრეზიდენტმა, ურბანო კაირუშმა იტალიურ Radio 24-ს განუცხადა:"ჩვენ გვსურს გავიგოთ რა სურს ბელოტის და ამის შემდეგ მივიღოთ გადაწყვეტილება."

"მას "ტორინოსთან" კონტრაქტი 2021 წლამდე აკავშირებს, მისი გამოსასყიდი თანხა კი 100 მილიონს შეადგენს. კლუბი კი, მხოლოდ ამ თანხის სანაცვლოდ შეელევა ანდრეასს. მაგრამ თუ იგი დარჩენას მოისურვებს ჩვენ მზად ვართ შევინარჩუნოთ და ნებისმიერი შემოთავაზება უარით გავისტუმროთ.
მე მჯერა, რომ მას სურს დარჩენა."

"ჩვენ ვცდილობთ რომ რაც შეიძლება ძლიერ კლუბად ვაქციოთ "ტორინო". ამის საფუძვლად გვსურს ანდრეა ბელოტის შენარჩუნება.".

წყარო:Goal