"რეალ სოსიედადი" დაინტერესებულია ადნან იანუზაის ტრანსფერით, მაგრამ "იუნაიტედი" ბელგიელს მხოლოდ იმ შემთხვევაში დათმობს, თუ ესპანელები 10 მილიონს ევროს გადაიხდიან, აცხადებს_ Marca
შეგახსენებთ, რომ იანუზაიმ ბოლო სეზონი "სანდერლენდში" გაატარა, სადაც ის იჯარის წესით იყო წასული. ბელგიელი ნახევარმცველი კლუბს დიდი ალბათობით, ამავე ზაფხულში დატოვებს, რადგან ის ჟოზე მოურინიოს გეგმებში არ შედის.
იანუზაი კლუბში 2011 წლიდან ირიცხება. ამ დროის მანძილზე ბელგიელმა პირველი გუნდის რიგებში 63 შეხვედრა ჩაატარა და 5 გოლის გატანა მოახერხა.