"მანჩესტერ იუნაიტედის" ახალგაზრდა პორტუგალიელი მეკარე იოელ კაშტრუ პერეირა, როგორც ჩანს სამშობლოში დიდი პოპულარობით სარგებლობს, ვინაიდან მის მიმართ ერთდროულად ისეთი პორტუგალიური კლუბები იჩენენ ინტერესს, როგორებიც "პორტო", "ბენფიკა" და "სპორტინგი" არიან.

მას შემდეგ, რაც "ბენფიკამ" რეკორდულ თანხად "მანჩესტერ სიტში" ედერსონი გუშვა, ლისაბონელები აქტიურად ეძებენ ბრაზილელის ღირსეულ შემცვლელს. "არწივების" აზრით, პერეირას შეუძლია ღირსეულად შეცვალოს ედერსონი და მზად არიან "იუნაიტედს" ოფიციალური წინადადებითაც მიმართონ.

"პორტო" აქტიურად ეძებს ლეგენდარული იკერ კასილიასის შემცველელს, ესპანელს "დრაკონებთან" კონტრაქტი უმთავრდება და სრულიად უფასოდ დატოვებს "პორტოს" რიგებს. სწორედ ამიტომ, "პორტო" დაინტერესებულია ინგლისელთა კარის დარაჯით და მზად არის ახალგაზრდა კიპერისთვის ბოლომდე იბრძოლოს.

პერიერას მიმართ ინტერესს იჩენს ლისაბონის "სპორტინგიც", რომელიც აქტიურად ეძებს რუი პატრისიოს შემცველელს, რადგან რუიმ შესაძლოა ლისაბონური კლუბი დატოვოს და რომელიმე ევროპულ გრანდს მიაშუროს.

თავად მოურინიო ახალგაზრდა მეკარის მიმართ დიდი სიმპატიებითაა განწყობილი, ერთ-ერთი ინტერვიუს დროს ჟოზემ პერეირაზე შემდეგი რამ განაცხადა:"პერეირა მომავალი თაობის საუკეთესო პორტუგალიელი მეკარეა".

თუმცა პორტუგალიელის მომავალი "იუნაიტედში" ბუნდოვანია. როგორც ჩანს დავიდ დე ხეა კვლავ "იუნაიტედში" დარჩება, გარდა ამისა, ჟოზე ნდობას სერხიო რომეროსაც უცხადებს. ამის ფონზე კი შესაძლოა იოელმა ინგლისი დატოვოს და ასპარეზობა სამშობლოში გააგრძელოს.

წყარო: Mirror