ფილ ჯონსი აღიარებს, რომ ჟოზე მოურინიოს რამდენიმე რთული გადაწყვეტილების მიღება მოუწევს ევროპა ლიგის ფინალისთვის "მანჩესტერ იუნაიტედის" შემადგენლობის შერჩევისას.
ცენტრალური მცველი, რომელიც "კრისტალ პალასთან" 2-0 მოგებულ მატჩში თამაშობდა, აღიარებს, რომ მწვრთნელი დიდი ხანია შვედეთში გასამართ მატჩზე და არა მარტო სეზონის მესამე ტიტულზე, არამედ ჩემპიონთა ლიგაზე მოხვედრაზეც ფიქრობს.
"აუცილებლად უნდა მოვიგოთ. ან ყველაფერი ან არაფერი. ჩვენი სეზონის უმთავრესი მომენტია და უნდა დავრწმუნდეთ, რომ ამ შეხვედრას მოვიგებთ. ჩემპიონთა ლიგის ფეხბურთი გვინდა; სწორედ ამიტომაც უნდა მოვიგოთ ეს მატცი.
ვიცით, რომ ჩემპიონთა ლიგა ბოლო მიზანია, მაგრამ იქ მოსახვედრად უფლება უნდა მოვიპოვოთ და ამის გაკეთება ოთხშაბათის მატჩის მოგებით შეიძლება. ღმერთს ნამდვილად არ მოუცია ჩვენთვის ევროპა ლიგის მოგების გარანტია. იქ ყოფნას ვიმსახურებთ. ფინალში ყოფნას ვიმსახურებთ, მაგრამ უნდა დავამტკიცოთ და ვაჩვენოთ, რომ საკმარისად კარგები ვართ და სწორედ ამას ვიზამთ.
მე მზად ვარ, მწვრთნელის ნებისმიერი გადაწყვეტილება მივიღო. მას 11 რთული გადაწყვეტილების მიღება მოუწევს, მაგრამ კიდევ ერთხელ ვამბობ, რომ ვინც არ უნდა ითამაშოს, ყველა თავის მაქსიმუმს გააკეთებს.
მან გუნდში როტაციას იმიტომ მიმართა, რომ ხალხი დაესვენებინა, სათამაშო წუთები მიეცა. ვფიქრობ, ოთხშაბათის გუნდისთვის საოცარი ბალანსი აქვს. ისინი, ვინც ფორმაში არიან, მოუთმენლად ელიან შემადგენლობაში მოხვედრას.
ბევრი მატჩი გვქონდა. "მანჩესტერ იუნაიტედს" ყველა ტურნირზე სურს თამაში, ამიტომ ბევრი მატჩის ჩატარება უწევს. იმედგაცრუებულები ვიქნებოდით, ყველა ტურნირზე რომ არ ვთამაშობდეთ. ეს ნიშნავს, რომ წარუმატებლები ვიყავით. მესმის ბიჭების გადაღლილობის. ბევრი მატჩი ჩავატარეთ. მაგრამ ოთხშაბათს ერთი დიდი ბიძგი კიდევ გვჭირდება".