"მანჩესტერ იუნაიტედის" ჰოლანდიელმა მცველმა, დეილი ბლინდმა განაცხადა, რომ მას "ოლდ ტრაფორდზე" დარჩენა სურს.

სავარაუდოდ, ჰოლანდიელი ოთხშაბათს გასამართ შეხვედრაში ძირითად თერთმეტეულში დაიწყებს, სადაც "იუნაიტედი" მის ყოფილ კლუბს, "აიაქს" დაუპირისპირდება, თუმცა შესაძლოა ეს ბლინდის ბოლო შეხვედრა აღმოჩნდეს "იუნაიტედის" რიგებში.

ბლინდის კონტრაქტი "იუნაიტედთან" მომდევნო სეზონს იწურება. არსებობს ჭორები, რომლის მიხედვითაც კლუბი არ გარისკავს და მის გასხვისებას ზაფხულის სატრანსფერო პერიოდში შეეცდება, თუმცა ჰოლანდიელს "ოლდ ტრაფორდზე" დარჩენა სურს.

"ჯერჯერობით არ ვიცი თუ რა იქნება მომავალში და ამაზე ახლა არ ვფიქრობ. არ მეგულება მოთამაშე, რომელსაც არ ენდომება "იუნაიტედში" დარჩენა, მე მხოლოდ ამის თქმა შემიძლია." - განაცხადა ბლინდმა "DailyMirror"-თან ინტერვიუში.

წყარო: www.Mirror.co.uk