ინგლისის საფეხბურთო ასოციაციამ ოფიციალურად დაადასტურა, რომ მომდევნო სეზონიდან სიმულიანტი ფეხბურთელები ვიდეოგამეორების შესწავლის საფუძველზე ორმატჩიანი დისკვალიფიკაციით დაისჯებიან.

მოცემულ დარღვევას ახლა ოფიციალურად "მსაჯის ჩიხში შეყვანის წარმატებული მცდელობა" ჰქვია. სიტყვაში "წარმატებული" მოიაზრებს: გამომუშავებული პენალტი ან მეტოქე ფეხბურთელისთვის მეორე ყვითელი ან პირდაპირი წითელი ბარათის ჩვენების მიზეზი.

როგორც უხეშად თამაშის შემთხვევაში, სიმულაციაზე ეჭვმიტანილს ასოციაცია ბრალს წაუყენებს და შემდეგ დამოუკიდებელ კომისიას შექმნის, რომელშიც ერთი ყოფილი ფეხბურთელი, ერთი ყოფილი მწვრთნელი და ერთი ყოფილი მსაჯი იქნებიან შესული, რათა ვიდეოგამეორების ინციდენტი შეისწავლონ.

თუკი კომისია ერთხმად გამოაცხადებს ბრალს დამტკიცებულად, სიმულიანტი ორმატჩიანი დისკვალიფიკაციით დაისჯება, ხოლო მისი მოქმედებით დაზარალებული ფეხბურთელი (თუკი საქმე პენალტში არ არის) გათავისუფლდება დისკვალიფიკაციისგან, თუკი მსაჯმა იგი მოედნიდან გააძევა.

მოცემული წესი ძალაში მომდევნო სეზონიდან შევა და ინგლისის ყველა პროფესიონალურ ლიგაზე გავრცელდება.

წყარო: telegraph