მოთამაშეთა საუკეთესო მოთამაშე

"მანჩესტერ იუნაიტედის" ფეხბურთელებმა ანტონიო ვალენსია თავისი გუნდის წლის საუკეთესო მოთამაშედ დაასახელეს. ეკვადორელი მიმდიინარე სეზონში კლუბის შეუცვლელი ფიგურა გახლდათ, ვალენსიამ "იუნაიტედის" მაისურით 2016-17 წლების სეზონში 45 შეხვდრის ჩატარება მოახერხა.



სერ მეტ ბასბის სახელობის პრიზი

"მანჩესტერ იუნაიტედის" გულშემატკივარმა ანდერ ერერა დაასახელა სერ მეტ ბასბის სახელობის პრიზის მფლობელად. ესპანელმა ზლატან იბრაჰიმოვიჩსა და ანტოონიო ვალენსიას აჯობა და დამსახურებულ ჯილდოეს დაეუფლა. აქამდე ეს პრიზი დავიდ დე ხეას ეკუთვნოდა, რომელმაც ზედიზედ სამჯერ მოახერხა წლის საუკეთესო ფეხბურთელის წოდების მოპოვება.

მიმდინარე სეზონში ესპანელმა 49 მატჩი ჩაატარა, 2 გოლი გაიტანა და 7 საგოლე გადაცემა გააკეთა.



წლის საუკეთესო გოლი

"მანჩესტერ იუნაიტედის" წლის საუკეთესო გოლად ჰენრიხ მხითარიანის "სანდერლენდის" კარში გატანილი გოლი დაასახელეს. სომეხი ფეხბურთელის გოლმა ხმათა 57%-ის დაგროვება მოახერხა და წლის საუკეთესო გოლის ავტორის ჯილდოც დაიმსახურა.



საუკეთესო ახალგაზრდა ფეხბურთელი (U21)

"მანჩესტერ იუნაიტედის" გულშემატკივარმა აქსელ ტუანნზებე წლის საუკეთესო ახალგაზრდა ფეხბურთელად დაასახელა. ტუანზებეს დებიუტი პირველ გუნდში მიმდინარე სეზონში შედგა და ჟოზე მოურინიოს ქებაც დაიმსახურა. ახალგაზრდა ფეხბურთელმა "იუნაიტედის" პირველი გუნდის რიგებში 4 შეხვედრის ჩატარება მოახერხა. აღსანიშნავია, რომ გასულ სეზონში ის "მანჩესტერ იუნაიტედის" 2014/15 წლების სეზონის საუკეთესო 18-წლამდელთა ფეხბურთელად დასახელდა სამწვრთნელო შტაბის მიერ.



საუკეთესო U18 ფეხბურთელი

"მანჩესტერ იუნაიტედის" 2016/17 წლების სეზონის საუკეთესო 18-წლამდელთა ფეხბურთელად გულშემატკივარმა კლუბის ამომავალი ვარსკვლავი, ანხელ გომესი დაასახელა, რომელმაც შთამბეჭდავი სეზონი შემოგვთავაზა. აღსანიშნავია, რომ გომესი ყველაზე ახალგაზრდა ფეხბურთელია, რომელიც ამ პრიზის მფლობელი გახდა.