ჟოზე მოურინიომ განაცხადა, რომ ტიმოთი ფოსუ-მენსას ევროპა ლიგის ფინალური მატჩის განაცხადში მოხვედრის შანსი აქვს.
ჰოლანდიელმა "მანჩესტერ სიტისთან" დერბის უკანასკნელ წამებზე მხარი დაიზიანა და თვეზე მეტი ვერ ახერხებს თამაშს.
მიუხედავად იმისა, რომ წინასწარი ცნობით მას მიმდინარე სეზონში ვეღარ უნდა ეთამაშა, უნივერსალური ფეხბურთელი შრომას აგრძელებს და სტოქჰოლმში გასამართ ფინალში მოხვედრის შანსი აქვს. "ფოსუ-მენსას ფინალისთვის მზადყოფნის მცირე შანსი აქვს. მაგრამ ეს ბიჭიც კი ყველაფერს ცდილობს, რადგან სხვა ტრავმირებულებისთვის ეს შეუძლებელია", - განაცხადა მოურინიომ.