ჟოზე მოურინიომ კიდევ ერთი მინიშნება გააკეთა ევროპა ლიგის ფინალში "მანჩესტერ იუნაიტედის" სასტარტო შემადგენლობის წევრებისთვის.
მწვრთნელმა უკვე დაადასტურა, რომ კარს სერხიო რომერო დაიცავს შვედეთში, მაგრამ ჯერ არ გადაუწყვეტია, როგორი იქნება დაცვის ცენტრალური ხაზის წყვილი, რასაც ფეხბურთელებმა თავიანთი თამაშით უნდა გასცენ პასუხი.
როცა ჰკითხეს, მისი ფეხბურთელები ჯერ კიდევ იბრძვიან თუ არა სტოქჰოლმში თამაშის უფლების მოსაპოვებლად, მოურინიომ უპასუხა: "რა თქმა უნდა, კი. სწორედ ამას აკეთებენ ის მოთამაშეები ბოლო მატჩებში, რომელთაც შესაძლებლობა ეძლევათ.
თუ ერიკი ვერ ითამაშებს ფინალში, ვინ ითამაშებს? სმოლინგი თუ ჯონსი? ეს არის შეკითხვა, რომელსაც პასუხი უნდა გავცე."