ჟოზე მოურინიო "საუთჰემპტონთან" ფრის შემდეგ "მანჩესტერ იუნაიტედის" ოფიციალურ ტელევიზიასა და "სქაი სპორტს" ესაუბრა.

ფეხბურთელებმა ფინალის წყურვილი აჩვენეს

"ვფიქრობ, კარგი გუნდის წინააღმდეგ კარგი მატჩი ჩავატარეთ. ეს გუნდი მოგებას ცდილობდა, რადგან სეზონის კარგად დასრულება სურდა და ალბათ, მერვე ადგილზე გავლენ, ამიტომ მგონია, რომ კარგად თამაშზე უკეთ ვითამაშეთ. თითოეულმა ფეხბურთელმა პოზიტიური გრძნობები დამიტოვა. რა თქმა უნდა, სერხიომ ძალიან კარგი მატჩი ჩაატარა, რამდენიმე დიდებული სეივი განახორციელა. გუნდი იდეალურად არ თამაშობდა, მაგრამ ფეხბურთელებმა ინდივიდუალურად კარგი გრძნობები დამიტოვეს, დიდებულ მიდგომას ავლენდნენ და აჩვენეს, რომ ფინალში თამაში სურთ. მათ დამიმტკიცეს, რომ ფინალში ჩემი ერთ-ერთი არჩევანი უნდა იყვნენ და ყველაფერი გაიღეს, რაც შეეძლოთ, მაგრამ წინ კვირის მატჩია."

"წითლები" საიმედო ხელში არიან

"სამი საოცარი მეკარე გვყავს. ორი მათგანი მსოფლიო კლასის მეკარეა, ერთი კი იქნება. ჩვენს შემადგენლობაში არიან არგენტინისა და ესპანეთის ნაკრების მეკარეები, მსოფლიოს ორი საუკეთესო ქვეყნისა მეკარეთა აღზრდის ტრადიციებში. ეს ორი ბიჭი გვყავს და ფენომენალურად თამაშობენ, მაგრამ კვლავ ვიტყვი, რომ პორტუგალიელი ბავშვი ასევე ძალიან კარგი მეკარეა და ამ მხრივ უსაფრთხო ხელთათმანების ქვეშ ვართ. ამით და მათ შორის არსებული ურთიერთობით ძალიან მოხარული ვარ. ერთმანეთს მოტივაციას მატებენ, რაც მართლაც ფანტასტიკურ სულისკვეთებას ავლენს."

ქმნის ევროპა ლიგა მთელ სეზონს?

"თქვენი პოზიციისა და პერსპექტივისა მესმის, რადგან ეს მყვირალა სათაური იქნება. მესმის, რომ ფინალში ვართ და ჩემპიონთა ლიგაზე დაბრუნება მთელ სხვაობას ქმნის თქვენთვის და ამის საფუძველზე შეაფასებთ სეზონს, მაგრამ მე კარგად ვიცი, რაც გავეცი და რაც ფეხბურთელებმა გასცეს, ამიტომ ჩვენი თვალთახედვით არ ვაპირებთ, რომ ერთმა გოლმა, ერთმა სეივმა, ერთმა ძელმა ან რაიმე ერთმა ეპიზოდმა გადაწყვიტოს ფინალის ბედი და ამის საფუძველზე შევაფასოთ, კარგად ვიშრომეთ თუ ციდად. ჩვენ ყველაფერი გავეცით, რაც შეგვეძლო, ძალიან ბევრი რთული პირობის წინააღმდეგ ვიბრძოლეთ და ვამაყობ ჩემი ბიჭებით, ამიტომ მნიშვნელობა არ აქვს, რა მოხდება."