უეინ რუნის ჩინური მეგაშეთავაზება განუხორციელებლობის საფრთხის წინაშე დგას, რადგანაც "მანჩესტერ იუნაიტედის" კაპიტნის ცოლი ამ ტრანსფერს არ დასთანხმდება, თუკი ჩათვლის, რომ ინგლისელი უფრო მაღალი შემოსავლის მიღების შემთხვევაში უფრო მეტ ფულს გაფლანგავს აზარტულ თამაშებში.
რუნის ჩინეთის სუპერ ლიგის კლუბებისგან კვირაში 1 მილიონი ფუნტის ოდენობის შეთავაზება აქვს ხელფასის სახით.
მაგრამ "მანჩესტერის 235 კაზინოში" ნახევარი მილიონი ფუნტის წაგების შემდეგ კოლინ რუნი მზად არის, ქმრის ნებისმიერი ტრანსფერი დაბლოკოს, რომელიც უფრო მეტ შემოსავალს მოასწავებს.
წყარო აცხადებს: "ასტრონომიული ფულია შეთავაზებული და კოლინი უეინს გაუგებს, თუკი ჩათვლის, რომ ის ამას ოჯახის მომავლისთვის აკეთებს, მაგრამ ყველაფერი საპირისპიროდ იქნება, თუკი აზარტული თამაშებისთვის გამოიყენებს.
თუკი იგრძნობს, რომ ამით კიდევ უფრო მოუმატებს მისი ქმარი აზარტულ თამაშებში ნაღდი ფულის ხარჯვას, ტრანსფერის განხორციელებას ყოველგვარად აღკვეთს".
რუნიმ, რომელიც "ოლდ ტრაფორდზე" კვირაში 300 ათას ფუნტს გამოიმუშავებს, კაზინოში წუთში 4 ათასი ფუნტი წააგო.
თვითმხილველები აცხადებენ, რომ კაპიტანი კაზინოში მარტო მივიდა და იქ 2 საათი გაატარა.