"მანჩესტერ იუნაიტედის" მთავარმა მწვრთნელმა, ჟოზე მოურინიომ განაცხადა, რომ მის გუნდს ახალი ტრავმირებული ფეხბურთელი არ ჰყავს.

"წითლებმა" გუშინ დილას 24 ფეხბურთელის მონაწილეობით გამართეს "სელტასთან" ევროპა ლიგის მატჩისთვის მოსამზადებელი სავარჯიშო სესია და მასში მონაწილეობა მიიღეს აქსელ ტუანზებემ, დემი მიტჩელმა, მეთი უილოკმა და მეთიუ ოლოსუნდმაც.

ოფიციალურ ტელევიზიასთან საუბრისას მოურინიომ აღნიშნა, რომ დიდი ხანია ტრავმირებული ფეხბურთელები დაბრუნებას ვერც ამ მატჩშ მოახერხებენ, მაგრამ გუნდი მზად და მხნედ არის.

"ბოლო ტრავმის შემდეგ ვიცით, რომ ვერავინ გამოჯანმრთელდება დროულად, რათა თუნდაც სეზონის ბოლო მატჩი ჩაატაროს, ასე რომ, ეს ფეხბურთელები ამ სეზონში ვეღარ ითამაშებენ. მაგრამ ხალხი მზად არის, მხნედ არიან და თამაშის დიდი სურვილი აქვთ.

ამაყი ვარ, რადგან მნიშვნელოვანმა ტრავმებმა როტაციის შესაძლებლობა მოგვცა, ფეხბურთელები დავასვენეთ, ამიტომ ის მოთამაშეები, რომლებმაც ტრავმირებულები შეცვალეს, ჩვენი საჩუქრები არიან ამ პრობლემის გაჩენის დღიდანვე. ასე რომ, დიახ, ვამაყობ; მაგრამ კიდევ ერთი მატჩი გვჭირდება ევროტურნირის ფინალში გასასვლელად - ყველაფერი უნდა გავიღოთ, რაც გვაქვს.

მარტივი სიტუაციაა. 17 მატჩი ჩატარება 7 კვირაში 16 ფეხბურთელით შეუძლებელია. ეს არ არის რისკი, ეს მარტივი გადაწყვეტილებაა, რომელიც საერთო გრძნობაზეა დაფუძნებული. აპრილსა და მაისში 16 ფეხბურთელით 17 მატჩის ჩატარება სრულიად შეუძლებელია.

ფეხბურთელების დაკარგვის მომენტიდან - ჩვენ კი ოთხი მათგანი ერთ კვირაში დავკარგეთ, როცა სმოლინგი და ჯონსი ეროვნული ნაკრებიდან დაბრუნდნენ ტრავმით, ზლატანმა და როხომ კი "ანდერლეხტთან" მატჩში მიიღეს ტრავმა - ჩვენ ასევე დავკარგეთ ისინი, ვინც კარგი ალტერნატივა შეიძლებოდა ყოფილიყო - ეშლი იანგი, ლუკ შოუ და ტიმ ფოსუ-მენსა. ამიტომაც გვქონდა შეუსრულებელი სამუშაო პერიოდში, როცა 7 კვირაში 17 მატჩი უნდა ჩაგვეტარებინა. ეს არ იყო რისკი, ეს მხოლოდ ჩვენი სიტუაციის შედეგი გახლდათ.

ამ სიტუაციაში ახლაც ვართ და ამისთვის უნდა ვიბრძოლოთ, ამიტომ ვნახოთ, მოვახერხებთ თუ არა ხუთშაბათს ამის გაკეთებას და ფინალში გასვლას. თუმცა, რაც არ უნდა მოხდეს, სანანებელი არაფერია. ყველაფერს გავიღებთ, რაც შეგვიძლია, ფეხბურთელებიც და მეც ასე ვიზამთ, ყველა, ვინც არ მუშაობს, ასე მოიქცევა. ჩვენ ყველაფერს გავცემთ, ამიტომ, როცა ყველაფერს გასცემ, პრობლემაც არ არის".