"არსენალის" მთავარმა მწვრთნელმა, არსენ ვენგერმა იმედი გამოთქვა, რომ მისი გუნდი "მანჩესტერ იუნაიტედს" დაამარცხებს და ამისთვის ტანჯვის გადატანასაც კი არ უშინდება.

კვირას "ემირეიტსზე" პრემიერ ლიგის მეხუთე და მეექვსე გუნდები დაუპირისპირდებიან. "არსენალსაც" და "იუნაიტედსაც" სჭირდება გამარჯვება, რათა ოთხეულში შესვლის შანსები შეუნარჩუნონ.

გასული სეზონის მსგავსი შეხვედრა "მეთოფეების" გამარჯვებით 3:0 დასრულდა და თავიანთი გოლები ლონდონელებმა პირველ 20 წუთში გაიტანეს, მაგრამ ამჯერად ვენგერი არ ელის მსგავსი სცენარის გამეორებას და მზად არის, ტანჯვაც კი გადაიტანოს, ოღონდ კი მისმა გუნდმა გაიმარჯვოს.

"იდეალში მატჩის ასე დაწყება გსურს, მაგრამ სულერთია, როდის გაიტან გოლს. მნიშვნელოვანი მხოლოდ გამარჯვებაა. ტანჯვის გადატანაც რომ მოგვიხდეს, ამისთვის მზად ვართ, ჩვენ უბრალოდ გამარჯვება გვსურს.

"ტოტენჰემთან" წარუმატებელი მატჩის შემდეგ რეაბილიტირება გვსურს და ხანდახან არ არსებობს უკეთესი გზა, ვიდრე დიდ მატჩში მოგებაა.

ვიცით, რომ "იუნაიტედს" ხანგრძლივი წაუგებელი სერია აქვს, მაგრამ ჩვენგან შორს არ წასულან. ეს ნიშნავს, რომ ბევრ ფრეს თამაშობენ. ყველა მატჩი რთულია და ჩვენ მხოლოდ ჩვენს თამაშზე კონცენტრირება გვსურს.

მოდით, ნუ გავჩერდებით იმაზე, თუ რას აკეთებენ ისინი ან როგორ აკეთებენ. მოდით, ჩვენს თავზე ვიფიქროთ. ვიცით, რომ ნებისმიერი გუნდის დამარცხება შეგვიძლია, თუკი ჩვენი ძლიერი თამაშის ჩვენებას შევძლებთ", - განაცხადა ვენგერმა.

წყარო: standard.co.uk