ანდერ ერერას მიაჩნია, რომ დავიდ დე ხეამ მადრიდის "რეალში" გადასვლის ყოველგვარი შესაძლებლობა უნდა აღკვეთოს და "მანჩესტერ იუნაიტედში" დარჩეს, რათა ამ კლუბის ლეგენდა გახდეს.

"წითლების" მეკარეს კვლავ უკავშირებენ "ლოს ბლანკოსის" სახელს და ამას ისიც ემატება, რომ დე ხეამ "ბოუდონში" თავის 3.85 მილიონ ფუნტიანი სახლს გაყიდვა დაუპირა.

მაგრამ ერერას მიაჩნია, რომ მის თანამემამულეს "იუნაიტედში" ისტორიის დაწერა შეუძლია.

"იმედი მაქვს, არ წავა. ჩემთვის პრემიერ ლიგის საუკეთესო მეკარეა და ბევრი ადამიანი ფიქრობს ასე.

კვლავ დასახელდა ჩემპიონატის საუკეთესო მეკარედ და ოთხი წელია ასეა.

კლუბში ექვსი წელი გაატარა. ძალიან ახლოსაა მატჩების იმ რაოდენობასთან, რაც ვან დერ სარმა ჩაატარა და შეუძლია, ლეგენდა გახდეს. ხალხს ის ძალიან უყვარს. იმედი მაქვს, დარჩება.

მსოფლიოში მხოლოდ რამდენიმე მეკარეა, რომელსაც ქულების მოპოვება შეუძლია გუნდისთვის, დავიდი ერთ-ერთი მათგანია", - განაცხადა ბასკმა.

წყარო: M.E.N.