იაია ტურემ განაცხადა, რომ პოლ პოგბას "მანჩესტერ სიტიში" გადასვლა სთხოვა, სანამ ფრანგი "მანჩესტერ იუნაიტედში" დაბრუნდებოდა.

პოგბამ "სიტის" კონკურენტთა რიგებს მსოფლიო სატრანსფერო რეკორდულ თანხად, 89 მილიონ ფუნტად მიაშურა.

"ცისფერების" სპორტულმა დირექტორმა ტჩიკი ბეგირისტეინმა პოგბას ხელმისაწვდომობა ორი წლის წინ შეამოწმა, მაგრამ შეთანხმება არ შედგა და ფრანგი ნახევარმცველი "ოლდ ტრაფორდს" დაუბრუნდა მისი დატოვებიდან 4 წლის შემდეგ.

ამჯერად კი ტურე აცხადებს, რომ 24 წლის ფეხბურთელს "ეტიჰადზე" გადასვლისკენ მოუწოდა.

"კარგი ბიჭია. ჭკვიანია და იმედგაცრუებული ვარ, რადგან ადრე ვესაუბრე იმის შესახებ, რომ "სიტიში" ხილვა მსურდა, მაგრამ ასე არ მოხდა", - განაცხადა აფრიკელმა.

თუმცა, გამორიცხული არ არის, რომ პოგბამ და ტურემ ერთსა და იმავე გუნდში ითამაშონ. კოტ დ'ივუარელის აგენტმა, დიმიტრი სელიუკმა არ გამორიცხა, რომ მისი კლიენტი "სიტისგან" ახალი კონტრაქტის მიუღებლობის შემთხვევაში "ოლდ ტრაფორდზე" გადავიდეს.

წყარო: M.E.N.