"მანჩესტერ იუნაიტედი" დარწმუნებულია, რომ "პარი სენ-ჟერმენიდან" 50 მილიონი ფუნტის სანაცვლოდ მარკინიოსის შეძენას შეძლებს.

"იუნაიტედის" მწვრთნელმა ბრაზიელიელი თავის უმთავრეს დაცვით სამიზნედ დაისახა და 22 წლის ფეხბურთელის თაობაზე შეთავაზების გასაკეთებლად მზად არის.

პსჟ მარკინიოსთან განშორებას არ აპირებს, მაგრამ "იუნაიტედი" დარწმუნებულია, რომ მცველს "ოლდ ტრაფორდზე" გადაიბირებს.

მოურინიოს ეჭვი ეპარება კრის სმოლინგისა და ფილ ჯონსის შესაძლებლობებში და ისინი მიმდინარე კვირაში კიდევ ერთხელ გააკრიტიკა.

როგორც მოსალოდნელია, ვერცერთი მათგანი ვერ ითამაშებს მიმდინარე სეზონში, მათ კი ჯვარედინი მყესების ტრავმის მქონე მარკოს როხო შეემატა, რამაც "იუნაიტედს" ცენტრალური მცველის შეძენის აუცილებლობისკენ უბიძგა.

ერიკ ბაიი "იუნაიტედის" ერთადერთი ცენტრალური მცველია, რომელიც ფორმაშია, მას კი დახმარებას დეილი ბლინდი უწევს.

მოურინიო მცველებისგან თავდაუზოგავ თამაშს ითხოვს და მარკინიოსი ამ კრიტერიუმს ნამდვილად აკმაყოფილებს.

ბრაზილიელ მცველს, რომელიც 2013 წელს "რომადან" პსჟ-ში გადავიდა, 2 წელი აქვს დარჩენილი მოქმედი კონტრაქტით და მასზეა დამოკიდებული, მოსთხოვს თუ არა ფრანგულ კლუბს მის გასხვისებას და ინგლისში ახალი გამოწვევის მოძებნას.

წყარო: mirror.co.uk