"მანჩესტერ სიტისა" და "მანჩესტერ იუნაიტედის" დაპირისპირება 27 აპრილს, "ეტიჰადზე" შედგა, სადაც გუნდებმა შეხვედრა ნულოვანი ფრით დაასრულეს. მატჩის დასრულებამდე 10 წუთით ადრე მარუან ფელაინიმ ერთ წუთში ორი ყვითელი ბარათი მიიღო და მოედნის დატოვება მოუწია.

ბელგიელმა აგუეროს სახეში თავი სახეში ჩაარტყა, რის გამოც შეხვედრის მთავარმა არბიტრმა მარტინ ატკინსონმა მეორე ყვითელი ბარათი უჩვენა, თუმცა ფელაინი მოედანს არ ტოვებდა და ეს ბევრი ყოყმანის შემდეგ გააკეთა.

როგორც thesun.co.uk-ი იუწყება, ამ ფაქტის გამო მარუან ფელაინის პრემიერ ლიგის მომდევნო სამი შეხვედრის გამოტოვება მოუწევს, რომლებშიც "მანჩესტერ იუნაიტედის" მეტოქეები "სუონსი", "არსენალი" და "ტოტენჰემი" იქნებიან. გარდა ამისა, ინგლისის საფეხბურთო ასოაციამ ფეხბურთელი წერილობით გააფრთხილა.