ჟოზე მოურინიო აცხადებს, რომ "მანჩესტერ იუნაიტედის" ფეხბურთელები დატვირთულ სავარჯიშო პროცესში მონდომებით იღებენ მონაწილეობას, რათა სეზონის მნიშვნელოვანი პერიოდისთვის მოემზადონ.

"იუნაიტედი" "მანჩესტერ სიტისთან" დერბის ხუთშაბათს მხოლოდ ერთქულიანი ჩამორჩენით ხვდება და ოთხეულში მოხვედრის შანსებს ინარჩუნებს. მოურინიოს გუნდი ასევე ევროპა ლიგის ნახევარფინალში "სელტა ვიგოს" დაუპირისპირდება ორმატჩიან დუელში, რომელიც მომდევნო კვირაში აიღებს სტარტს.

სანამ გადატვირთულ გრაფიკს წინ უძღვის მოლოდინი, მწვრთნელმა ახსნა, თუ როგორ ემზადებიან მისი ფეხბურთელები სეზონის მაღალ ნოტაზე დასასრულებლად.

"ვფიქრობ, ხელმისაწვდომი ფეხბურთელები თავს დიდებლად გრძნობენ. იციან, რომ მნიშვნელოვანი არიან და შეუძლიათ იყვნენ. მაგალითისთვის გავიხსენოთ უეინი და მარსიალი; ისინი მონაწილეობდნენ მატჩში, რომლის მოგებაც ნამდვილად გვჭირდებოდა და მოსალოდნელზე მეტი გააკეთეს.

უეინის შემთხვევაში არ მეგონა, რომ 90 წუთი თამაშს შეძლებდა, მაგრამ შეძლო. ვფიქრობ, ის ფაქტი, რომ რაღაც მნიშვნელოვანისთვის ჯერ კიდევ ვიბრძვით, კარგი მოტივაციაა ხალხის ერთ მუშტად შესაკრავად და დამატებითი თავდადების გამოსავლენად.

სავარჯიშო სესია 3 საათზე იწყება, მაგრამ დილას 10:30 საათზე რომ მოვედი, ზოგიერთი ფეხბურთელი უკვე მოსული დამხვდა, მცირე დეტალებზე, ფორმის აღდგენაზე ზრუნავდნენ, საცურაო აუზში მიდიოდნენ და სხეულს უფრთხილდებოდნენ - ეს მოტივაციაა".

წყარო: manutd.com