ანდერ ერერამ დღეს გასამართ მანჩესტერულ დერბის "სეზონის მატჩი" უწოდა და იზიარებს აზრს იმის შესახებ, რომ მისი შედეგი ოთხეულში მოხვედრაში მნიშვნელოვან როლს ითამაშებს.

ერერა შთამბეჭდავად ასპარეზობდა "ბარნლისთან" მატჩში, რომლის მოგებამაც "იუნაიტედი" პრემიერ ლიგის მიმდინარე სეზონის დასრულებამდე 6 მატჩით ადრე მეხუთე ადგილზე გადაიყვანა და "სიტისთან" 1-ქულიანი ჩამორჩენა დაუტოვა.

დღეს კი "წითლები" სეზონის მესამე მანჩესტერულ დერბის გამართავენ "სიტის" წინააღმდეგ, რომელიც მთლიანად ჩემპიონთა ლიგის საგზურის მოპოვებაზეა გადართული "არსენალთან" ინგლისის თასის ნახევარფინალში დამარცხების შემდეგ.

ერერას "იუნაიტედის" მიმდინარე სერიის შენარჩუნება სურს, რომელმაც მის გუნდს 23-მატჩიანი წაუგებელი სერია მისცა პრემიერ ლიგაში.

"სეზონის მატჩი იქნება. მათ მხოლოდ ერთი ქულით ჩამოვრჩებით და თუ გავიმარჯვებთ, ოთხეულში მოხვედრის შანსი გვექნება, მაგრამ ისინი თუ მოიგებენ, მერე გაგვიჭირდება.

არ ვცნობ "გამარჯვებული ყველაფერს იღებს" მიდგომას, მაგრამ დიდი მატჩი იქნება. თუ რომელიმე ჩვენგანი მოიგებს ამ მატჩს, ამის შემდეგ ბევრ შეხვედრას არ წააგებს ან შეცდომებს არ დაუშვებს. ეს გადამწყვეტი იქნება.

ძალიან კარგ მომენტში, ძალიან კარგ პერიოდში ვართ და მათ პატივს ვცემთ, მაგრამ ჩვენ ბევრ კარგ რამეს ვაკეთებთ და ხუთშაბათს ეს უნდა ვაჩვენოთ."

წყარო: manutd.com