"მანჩესტერ იუნაიტედის" მთავარი მწვრთნელი ჟოზე მოურინიო მოხარულია, რომ ზლატან იბრაჰიმოვიჩი მუხლის სერიოზულად დაზიანების შემდეგ ბრძოლას აპირებს და ეს შემთხვევა შემდეგი სიტყვებით აღწერა: "მე ასეთ ზლატანს ვიცნობ."

იბრაჰიმოვიჩი მარკოს როხო "ანდერლეხტთან" მატჩში დაშავდნენ და დიდხანს ვეღარ მოახერხებენ თამაშს.

35 წლის ფორვარდის შესახებ პრესკონფერენციაზე დასმულ შეკითხვას მოურინიომ უპასუხა: "მომავალი დიდ ოპერაციასა და გრძელვადიან გამოჯანმრთელების პროცესს ისახავს. მაგრამ ეს მომავალი ძალიან ძლიერი ადამიანის ხელშია, მენტალურად ძლიერის, რომელმაც მაშინვე დაწერა სოციალურ ქსელში, რომ თამაშს მაშინ შეწყვეტს, როცა მოისრუვებს და არა მაშინ, როცა ხალხი ფიქრობს.

ის დანებებას არ აპირებს, იბრძოლებს. ამით მართლაც მოხარული ვარ, რადგან სწორედ ასეთ ზლატანს ვიცნობ. მთელი თავისი ცხოვრება იბრძოდა და მეც სწორედ ეს ვუთხარი- "დაბადებიდან იბრძვი." ვერ ვხედავ მიზეზს, თუ რატომ არ უნდა იბრძოლოს".

შვედის გამოჯანმრთელების პროცესის შესახებ დაამატა:

"ვფიქრობთ, რომ კარგ ხელშია და ტრავმა უნდა მოირჩინოს, რათა მომდევნო ნაბიჯისთვის მენტალურად მოემზადოს. მომდევნო ნაბიჯი ყოველთვის ისეთი იქნება, რაც მას სურს, რასაც ტრავმამდე ვეუბნებოდი თავისი მომავლის შესახებ;

ის უფრო მნიშვნელოვანია, ვიდრე მე და ჩემი სურვილები, მისი სურვილი უფრო მნიშვნელოვანია. ყოველთვის მინდოდა, რომ ფეხბურთელი ბედნიერი ყოფილიყო და მომავალი თავად აერჩია და ვფიქრობ, ასეც მოხდება. ახლა, ასეთი მნიშვნელოვანი ოპერაციის წინ, ვფიქრობ, მომავალზე საუბარი დროის ფუჭი ფლანგვაა".

წყარო: manutd.com