"მანჩესტერ იუნაიტედის" თავდამსხმელმა ზლატან იბრაჰიმოვიჩმა ევროპა ლიგის ეგიდით "ანდერლეხტთან" გამართულ მატჩში მიღებული ტრავმის შესახებ პირველი კომენტარი გააკეთა.

კლუბის მიერ შვედისა და მარკოს როხოს ტრავმების დადასტურების შემდეგ ზლატანმა "ისტაგრამზე" შეტყობინება გაავრცელა.

"პირველ ყოვლისა, მინდა, მადლობა გადაგიხადოთ მხარდაჭერისა და სიყვარულისთვის. ახალი ამბავი არ არის ჩემი ტრავმა, მე ფეხბურთში გარკვეული პერიოდი ვეღარ ვიქნები. ამასაც ისევე დავაღწევ თავს, როგორც სხვა დანარჩენებს და უფრო ძლიერი დავბრუნდები.

აქამდეც ცალი ფეხით ვთამაშობდი და ახლა რა პრობლემა უნდა შეიქმნას. ერთი რამ ცხადია, მე თავად ვწყვეტ, როდის უნდა გავჩერდე და არა სხვა რამე ან ვინმე. დანებება გამოსავალი არ არის. მალე შევხვდებით."