ენტონი მარსიალმა "მანჩესტერ იუნაიტედსა" და "ბარნლის" შორის კვირას გამართულ მატჩში ანგარიში გახსნა, რაც "იუნაიტედის" პირველი გოლი გამოდგა "ტორფ მურზე" პრემიერ ლიგის ეგიდით ბოლო 40 წლის განმავლობაში გამართულ მატჩებში.
"იუნაიტედს" მხოლოდ 1 გოლი აქვს გატანილი ამ სტადიონზე და ისიც 1976 წლის აპრილში ლუ მაკარიმ გაიტანა.
რა თქმა უნდა, შეხვედრები მას შემდეგაც ჩაატარა "იუნაიტედმა" "ბარნლის" სტადიონზე, მაგრამ 2009 წელს 1-0 დამარცხდა, ხოლო 2014/15 წლების სეზონში 0-0 ფრე ითამაშა.
მარსიალმა კონტრშეტევაზე წასვლის შედეგად ანდერ ერერასთან გათამაშებული კომბინაციის შედეგად 21-ე წუთზე გაიტანა გოლი, თავის მხრივ კი ესპანელმა პრემიერ ლიგის მიმდინარე სეზონში მე-6 საგოლე გადაცემა გააკეთა, რაც იმდენივეა, რამდენიც მის მიერ წინა ორ სეზონში გაკეთებული ასისტების რაოდენობა.
ეს გოლი ასევე პირველი გამოდგა "ბორდოველების" კარში მიმდინარე სეზონში გატანილი ბურთების მხრივ, რისთვის "იუნაიტედს" 43 დარტყმის განხორციელება დასჭირდა ორ მატჩში.