ნიგერიაში "მანჩესტერ იუნაიტედის" მინიმუმ 7 გულშემატკივარი დაიღუპა "ანდერლეხტთან" მატჩის ყურებისას, როცა ელექტოკაბელი დაეცა შენობას, სადაც მატჩის საყურებლად შეკრებილი ადამიანები იმყოფებოდნენ.
ტრაგედია ნიგერიის საპორტო ქალაქ კალაბარში მოხდა. პოლიციის წარმომადგენელმა განაცხადა, რომ გულშემატკივრები თვითნაკეთ ქოხში შეიკრიბნენ, რომლის კედლები და ჭერიც თუნუქისგან იყო დამზადებული, მატჩის მიმდინარეობისას კი სახურავს ელექტრონული კაბელი დაეცა.
თავიდან ნიგერიული პრესა წერდა, რომ 30 ადამიანი დაიღუპა, მაგრამ პოლიციის წარმომადგენლების განცხადებით, მატჩის სანახავად შეკრებილი 80 ადამიანიდან 7 გარდაიცვალა და 30 მძიმედ დაშავდა.
ერთ-ერთი თვითმხილველის თქმით, კაბელის დაცემის მიზეზი ქოხთან ახლოს მდგომი ტრანსფორმატორის აფეთქების მიზეზი გახდა.
"ეს "იუნაიტედისა" და "ანდერლეხტის" მატჩის დროს მოხდა. გამაყრუებელი აფეთქების ხმა გავიგონე და გარეთ გამოვვარდი, რომ მენახა, რა მოხდა. როცა სახლში დაბრუნება დავაპირე, სადაც მატჩს ვუყურებდით, დავინახე, რომ სახურავზე ელექტრო კაბელი ეგდო, შიგნით კი დენს ურტყამდა. საშინელი სანახაობა იყო.
ამ დღეს არ მინდოდა მატჩზე წასვლა, რადგან სახლში ჩემი ერთ-ერთი არხი უჩვენებდა, თუმცა სხვების კომპანიაში ყუფნა მიყვარს. შემთხვევითობა რომ არა, ახლა მკვდარი ვიქნებოდი. ვერ ვიჯერებ, რომ იმდენი ადამიანი, ვისაც იმ საღამოს ვესაუბრებოდი და ვეხუმრებოდი, ასეთი მტანჯველი სიკვიდილით დაიღუპა".
"მანჩესტერ იუნაიტედმა" თავისი მწუხარება სოციალური ქსელით გამოხატა: "ჩვენი ფიქრები ახლა "იუნაიტედის" გულშემატკივრებთან, მათ მეგობრებსა და ოჯახებთანაა, რომლებიც კალაბარეში მოხდარი ტრაგედიის მსხვერპლები გახდნენ".
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.