ჟოზე მოურინიომ ახსნა, თუ რატომ დაუკრა ტაში "ანდერლეხტის" გულშემატკივრებს მატჩის შემდეგ.

"მანჩესტერ იუნაიტედის" მთავარი მწვრთნელი ევროპა ლიგის შეხვედრაში გამარჯვების შემდეგ სტუმარ გულშემატკივართა სექტორთან მივიდა და თავისი პატივისცემა აპლოდისმენტით გამოხატა.

ბელგიელები "ოლდ ტრაფორდზე" მთელი მატჩის განმავლობაში უჭერდნენ მხარს თავიანთ საყვარელ გუნდს, რამაც მოურინიო მოხიბლა.

"ფანტასტიკურები იყვნენ. გუნდს ორი საათის განმავლობაში უჭერდნენ მხარს. წინსვლისკენ აქეზებდნენ და როცა გაიტანეს, როცა გაუშვეს და ბოლო წუთებშიც კი, როცა ყველაფერი გადაწყვეტილი იყო, არ შეჩერებულან.

ყოველთვის პატივისცემას ვგრძნობდი გულშემატკივრებისადმი, რომლებიც შორ გზას გადიოდნენ, რათა თავიანთი გუნდისთვის მხარი დაეჭირათ და "ანდერლეხტისთვის" ეს საუკეთესო გზა იყო ტურნირის დასატოვებლად - ბოლო წუთამდე ბრძოლის შემდეგ თავაწეული წასვლა. ყველაფერს საუკეთესოს ვუსურვებ ბელგიის ჩემპიონატში", - განაცხადა მოურინიომ.