Sky-ს წყარო იტყობინება, რომ ზლატან იბრაჰიმოვიჩი მიმდინარე სეზონის დარჩენილ ნაწილს გამოტოვებს.

შვედმა ფორვარდმა "ანდერლეხთან" დაპირისპირებისას ძირითადი დროის უკანასკნელ წუთზე მიიღო მუხლის ტრავმა და მოედანი დატოვა.

ჟოზე მოურინიომ მატჩის შემდეგ განაცხადა, რომ ოპტიმისტურად არ არის ზლატანის ტრავმისადმი განწყობილი, დღეს კი ცნობილი გახდა, რომ "მანჩესტერ იუნაიტედის" ფორვარდი მიმდინარე სეზონში თამაშს ვეღარ შეძლებს.

გამომდინარე იქიდან, რომ იბრას ჯერ კიდევ არ გაუხანგრძლივებია თავისი მოქმედი კონტრაქტი, არსებობს ალბათობა იმისა, რომ მან უკვე ჩაატარა "იუნაიტედის" მაისურით თავისი ბოლო მატჩი.

შეგახსენებთ, რომ ზლატანი "იუნაიტედის" საუკეთესო ბომბარდირია ყველა ტურნირზე გატანილი 28 გოლით, პრემიერ ლიგაში კი მის ანგარიშზე 17 ბურთი ირიცხება.

წყარო: skysports.com