ჟოზე მოურინიო აღნიშნავს, რომ ევროპა ლიგის ეგიდით "ანდერლეხტთან" მატჩში მარკოს როხოსა და ზლატან იბრაჰიმოვიჩის დაზიანებები შესაძლოა, სერიოზული აღმოჩნდეს.
"წითლები" "აიაქსთან", "სელტასა" და "ლიონთან" ერთად ტურნირის ნახევარფინალში გავიდნენ, სადაც მათი მეტოქე დღეს გაირკვევა.
თუმცა, გამარჯვება კარგ ფორმაში მყოფი ცენტრალური მცველის, როხოსა და გუნდის საუკეთესო ბომბარდირია, იბრაჰიმოვიჩის ტრავმის ფასად დაუჯდათ.
მატჩის შემდეგ "ბი-თი სპორტისთვის" მიცემულ ინტერვიუში მოურინიომ შემდეგი განცხადება გააკეთა:
"მირჩევნია მოვიცადო, მაგრამ არცერთის შემთხვევაში არ ვფიქრობ, რომ საქმე კარგადაა. ვცდილობ, ოპტიმისტი ვიყო, მაგრამ ვერ ვარ. არა მგონია, მსუბუქი ტრავმები ჰქონდეთ, მაგრამ ხვალინდელ საბოლოო ტესტამდე მოთმენა მირჩევნია. ზეგ შემიძლია გითხრათ, რას ვგრძნობ, რადგან მე მწვრთნელი ვარ და არა ექიმი", - განაცხადა მოურინიომ.