მარუან ფელაინის სჯერა, რომ "მანჩესტერ იუნაიტედი" ევროპა ლიგის მეოთხედფინალურ შეხვედრაში "ანდერლეხტთან" განსხვავებულად ითამაშებს.

"წითლებმა" ბელგიაში გამართული შეხვედრის მიწურულს ჰენრიხ მხითარიანის საპასუხო გოლი გაუშვეს და მატჩი 1-1 დასრულდა.

მიუხედავად იმისა, რომ საპასუხო მატჩის სირთულეს აცნობიერებს, ბელგიელი ფიქრობს, რომ "ოლდ ტრაფორდზე" შეკრებილი პუბლიკა გუნდს დიდ დახმარებას აღმოუჩენს.

მატჩის დღის ოფიციალური ჟურნალისთვის ინტერვიუს მიცემისას ფელაინიმ ისაუბრა: "კვლავ რთული მატჩი იქნება. ყველა მატჩი რთულია. უცხო თუ ინგლისური გუნდი, ყველა ისურვებს "მანჩესტერ იუნაიტედის" დამარცხებას, ამიტომაც მაქსიმუმს დებენ მოედანზე.

მაგრამ "ოლდ ტრაფორდზე" დიდი შანსი გვაქვს. ვიცით, როგორ უნდა ვითამაშოთ იქ და ყველაფერს გავაკეთებთ ნახევარფინალში გასასვლელად. ვფიქრობ, ხუთშაბათს დიდი მატჩი იქნება და მოსაგებად ყველაფერს გავაკეთებთ.

ეს მატჩი განსხვავებული იქნება. ჩვენი სტადიონი სამჯერ დიდია "ანდერლეხტისაზე", ამიტომ სრულიად განსხვავებული ატმოსფერო გვექნება. კლუბთან დაკავშირებულ თითოეულ პიროვნებას - მოთამაშეებს, მწვრთნელს, შტაბის წევრებს - სურს ბოლომდე გასვლა, ამიტომ ჩვენ ამისთვის ვშრომობთ".

"წითლები" მომდევნო მატჩის "ჩელსისთან" გამარჯვებით ხვდებიან და ევროპა ლიგის ნახევარფინალში გასვლას ეცდებიან, რასაც ექვს საშინაო ევრომატჩში მეექვსე გამარჯვების მოპოვებით აპირებენ.

"საშინაო ევრომატჩებში ძალიან კარგად ვთამაშობდით და ბევრი გოლიც გაგვქონდა. კვლავ ასე უნდა გავაგრძელოთ და ხუთშაბათსაც მოვიგოთ, რათა მეოთხედფინალში გავიდეთ.

გულშემატკივარი ყოველთვის მოულოდენლად ელის ევროპულ მატჩებს და, რა თქმა უნდა, დაგვეხმარებიან. ისინი ხმაურს ატეხენ და მატჩის მოსაგებად წაგვაქეზებენ, რაც მნიშვნელოვანია. სულ უფრო და უფრო ვუახლოვდებით ფინალს, რაც ჩვენი მიზანია. მაგრამ ახლა მხოლოდ ხუთშაბათის მატჩზე უნდა ვიფიქროთ".

წყარო: manutd.com