დავიდ დე ხეა პროფესიონალ ფეხბურთელთა ასოციაციამ 2016/17 წლების სეზონის პრემიერ ლიგის სიმბოლურ ნაკრებში დაასახელა.

ესპანელი მეკარე ზედიზედ მესამედ დასახელდა საუკეთესო მეკარედ უმაღლეს დივიზიონში, ბოლო ხუთი წლის განმავლობაში კი მეოთხედ მოხვდა სიმბოლურ ნაკრებში.

კონკურენციის ისეთი მეკარეებისთვის გაწევის შედეგად, როგორებიც "ტოტენჰემის" კიპერ უგო ლორისი და "ჩელსის" კარის დარაჯი ტიბო კურტუა არიან, "წითლების" მეკარე კიდევ ერთხელ აღიარეს.

მიუხედავად იმისა, რომ ზლატან იბრაჰიმოვიჩი პრემიერ ლიგის საუკეთესო ფეხბურთელის წოდებაზე წარდგენილი ექვსეულის წევრია, 4-4-2 ფორმაციის სიმბოლურ ნაკრებში მისი ადგილი ვერ მოიძებნა, მის ნაცვლად კი "ტოტენჰემისა" და "ევერტონის" თავდამსხმელები, ჰარი კეინი და რომელუ ლუკაკუ მოხვდნენ.

დე ხეამ ზედიზედ სამჯერ მოიგო "მანჩესტერ იუნაიტედის" წლის საუკეთესო ფეხბურთელის ჯილდო, მაგრამ ამჯერად მასაც რთული გამოწვევა ელის.

პრემიერ ლიგის წლის საუკეთესო გუნდი:

მეკარეები: დავიდ დე ხეა ("მანჩესტერ იუნაიტედი")

მცველები: კაელ უოლკერი ("ტოტენჰემი"), დავიდ ლუიზი ("ჩელსი"), გარი კეჰილი ("ჩელსი"), დენი როუზი ("ტოტენჰემი")

ნახევარმცველები: სადიო მანე ("ლივერპული"), დელე ალი ("ტოტენჰემი"), ნ'გოლო კანტე, ედენ აზარი ("ჩელსი").

თავდამსხმელები: ჰარი კეინი ("ტოტენჰემი"), რომელუ ლუკაკუ ("ევერტონი").