"ტოტენჰემი" მზად არის, "ბარნლის" ცენტრალური მცველის, მაიკლ კინის შესაძენად იბრძოლოს, რაც თავის მხრივ "მანჩესტერ იუნაიტედს" "დეზებიდან" ერიკ დაიერის შეძენაში შეიძლება დაეხმაროს.
მოსალოდნელია, რომ სეზონის ბოლოს კინმა "ტორფ მური" დატოვოს. თავისი დამაჯერებელი თამაშით "ბარნლისა" და ინგლისის ნაკრების რიგებში მაიკლმა თავის თავზე დიდი განაცხადი გააკეთა, რაც უფრო სერიოზული კლუბისკენ უკვალავს გზას.
გარკვეული ინტერესი აქვს თავისი აღზრდილის მიმართ ორი წლის წინ "ბარნლიში" 2 მილიონ ფუნტად გაყიდული კინის ყოფილ კლუბს, "წითელ ეშმაკებს", მაგრამ ჟოზე მოურინიოს უფრო მეტად სრუს დაიერის შეძენა.
ახლახანს კი ცნობილი გახდა, რომ კინისთვის ბრძოლაში "ტოტენჰემი" ჩაერთო, რომლის თავკაც მაურისიო პოჩეტინოს პრემიერ ლიგის კლუბებზე ნამდვილი რეიდის განხორციელება სურს - მაიკლის გარდა, "დეზები" "ევერტონიდან" როს ბარკლის, ხოლო "კრისტალ პალასიდან" უილფრიდ ზაჰას შეძენას აპირებენ.
როგორც The Telegraph-ი იტყობინება, "ტოტენჰემის" რიგებში კინის გადასვლა თავის მხრივ დაიერის "იუნაიტედში" გადასვლის შანსს აამაღლებს. ერიკი პოჩეტინოს გუნდში ბედნიერია, მაგრამ თავის მომავალს მაინც ნახევარმცველის პოზიციაზე ხედავს.
პოჩეტინო დაიერს მოედნის ცენტრში თამაშის გარანტიას ვერ აძლევს - მოურინიოსგან განსხვავებით, რომელიც უნივერსალი ერიკით შთაგონებულია და "დეზებს" 40 მილიონი ფუნტის ოდენობით შეთავაზებას გაუკეთებს.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.