ჟოზე მოურინიო "ჩელსისთან" 2-0 გამარჯვებით მოხარულია და მთელი გუნდი შეაქო, მაგრამ ცენტრალური მცველების მისამართით განსაკუთრებული სიტყვები გამოიყენა.

მცველების შესანიშნავი თამაში მატჩის დასაწყისიდან დასასრულამდე ერთნაირად წარმატებული იყო და მათი დამსახურებაა, რომ "იუნაიტედმა" პრემიერ ლიგის ლიდერების წინააღმდეგ, რომელთაც მიმდინარე სეზონში 65 გოლი აქვთ, კარის "მშრალად" შენახვა მოახერხეს. დიეგო კოშტამ ამ გოლებიდან 17 გაიტანა, მაგრამ ესპანელ ფეხბურთელს ამჯერად მთელი გუნდის მსგავსად კარში დარტყმაც კი არ გამოუვიდა.

მიუხედავად იმისა, რომ ბაიი და როხო "იუნაიტედის" ოფიციალური ტელევიზიის ექსპერტმა რონ ატკინსონმა მატჩის საუკეთესო ფეხბურთელის წოდებაზე წარადგინა, დუეტი მოგვიანებით მოურინიომ გამოყო.

"ვფიქრობ, ყველამ ის გააკეთა, რაც უნდა გაეკეთებინათ. ყველა ბევრს იბრძოდა. ბაიი და როხო, ვფიქრობ, განსაკუთრებულ აღნიშვნას იმსახურებენ, რადგან სმოლინგისა და ჯონსის ტრავმის შემდეგ აბსოლუტურად ყველა მატჩი ჩაატარეს. გუნდითა და შედეგით მართლაც ბედნიერი ვარ, რადგან "მანჩესტერ სიტისა" და "ლივერპულის" გამარჯვებებმა ჩვენც აუცილებლად მოსაგები მატჩი დაგვიტოვა. ფრეც კი არ იქნებოდა კარგი შედეგი ჩვენთვის, ასე რომ, მართლაც ბედნიერი ვარ ბიჭების გამო და ჩვენ გამოც, იმიტომ, რომ ჩემპიონთა ლიგაზე მოსახვედრი ორივე კარი ღიაა", - განაცხადა პორტუგალიელმა.

წყარო: manutd.com