"მანჩესტერ იუნაიტედის" მთავარ მწვრთნელს, ჟოზე მოურინიოს მიაჩნია, რომ მისი გუნდის მიმდინარე სეზონის ცალსახად შეფასება არ შეიძლება.

"ჩელსისთან" ერთ სეზონში ორ სხვადასხვა ტურნირზე განცდილმა შესაძლო მესამე მარცხმა გუნდებს შორის სხვაობას შეიძლება გაუსვას ხაზი, მაგრამ მოურინიოს მიაჩნია, რომ "ოლდ ტრაფორდზე" მისი წარმატების შეფასება სხვადასხვა კრიტერიუმით უნდა მოხდეს.

"ეს დამოკიდებულია ანალიზის ხასიათზე. შეგიძლიათ თქვათ, რომ სახლში კარგი შედეგები არ მაქვს, ან შეგიძლიათ თქვათ, რომ გასვლაზე კარგი შედეგი მაქვს.

ასევე შეგიძლიათ თქვათ, რომ პირველივე სეზონში მოვიგე ტიტული ან ეს ძალიან მალე დაივიწყოთ - არ ვიცი, რას ეძახით კარგ სეზონს თქვენ და რას მე.

ჩემთვის კარგი სეზონი ყველა მატჩისთვის მზადყოფნა და ყველა მატჩში საუკეთესო შედეგისთვის ბრძოლა, "მანჩესტერ იუნაიტედის" პრესტიჟის დაცვაა.

ჩვენ ტიტულისთვის არ ვიბრძვით, მხოლოდ ოთხეულში მოხვედრისთვის ვიბრძვით. ეს მნიშვნელოვანია, მაგრამ ამ კლუბისთვის უფრო მნიშვნელოვანი ტიტულის მოგებაა და ერთადერთი ტიტული, რომლის მოგებაც შეგვიძლია- ევროპა ლიგაა", - განაცხადა პორტუგალიელმა.

წყარო: goal.com