"მანჩესტერ იუნაიტედის" მცველმა, ლუკ შოუმ განაცხადა, რომ ჟოზე მოურინიოს კრიტიკას ეთანხმება და აპირებს დაამტკიცოს, რომ თავისი მდგომარეობის გამოსწორება შეუძლია.

მიმდინარე სეზონში მოურინიომ შოუს მისამართით არაერთხელ გამოიყენა საჯარიმო კრიტიკა. ინგლისელი მცველი გასულ შაბათს მხოლოდ მესამეჯერ გამოვიდა პრემიერ ლიგის მატჩის სასტარტო შემადგენლობაში.

ლუკს კრიტიკაზე პოზიტიური რეაქცია აქვს და ახლა მწვრთნელისთვის საპირისპიროს დამტკიცებას აპირებს.

"წარმოთქმული სიტყვების შემდეგ ერთმანეთს კარგად ვესაუბრეთ. მას სრულად ვეთანხმები და იმას გავაკეთებ, რაც მას სურს.

ყოველთვის ბევრს ვშრომობდი, მაგრამ, შესაძლოა, არა ისე ბევრს, როგორც მას მოსწონს და სურს. კარგად ვისაუბრეთ, განვიხილეთ ყველაფერი, რაც ჩემგან სურს. ვფიქრობ, მას შემდეგ გასულ კვირანახევარში ძლიერ შევიცვალე - არა მარტო მოედანზე და სავარჯიშო მოედანზე, არამედ მის ფარგლებს გარეთაც.

ახლა სეზონის ბოლომდე უნდა ვიბრძოლო და მწვრთნელს დავუმტკიცო, რა შემიძლია და რით ვაპირებ გუნდის დახმარებას.

ჩვენი შეხვედრის ბოლოს ვუთხარი: "თქვენი მცდარობის დამტკიცებას ვაპირებს, რადგან ამის მჯერა და მსურს. არა მარტო ჩემი თავის გამო, არამედ გულშემატკივრებისთვისაც, რომლებიც მხარს მიჭერენ და კეთიმოსურნეები არიან", - განაცხადა შოუმ.

წყარო: telegraph