"ჩელსის" მწვრთნელმა, ანტონიო კონტემ თავისი მცველები გააფრთხილა, რომ "მანჩესტერ იუნაიტედის" თავდამსხმელი, ზლატან იბრაჰიმოვიჩი კარიერის საუკეთესო თამაშს აჩვენებს.

მიმდინარე სეზონში "წითელი ეშმაკები" სერიოზულ პრობლემებს განიცდიან გატანილ გოლებთან დაკავშირებით და რთულია იმის წარმოდგენა, რომელ ადგილზე იქნებოდნენ პრემიერ ლიგაში, რომ არა 35 წლის ფორვარდის 17 გოლი.

კვირას გასამართი შეხვედრის წინ კონტემ შვედი ფორვარდი შეაქო და თავის მწვრთნელებს ყურადღების მოკრებისკენ მოუწოდა.

იტალიელი მწვრთნელი იბრაჰიმოვიჩის შედარებასაც გამოეხმაურა. შვედმა თავისი თავი ბენჟამინ ბატონთან გაათანაბრა: "დიახ, ამ შედარებას ვეთანხმები, მეც ყოველთვის ამას ვამბობდი. ვფიქრობ, ზლატანი თავისი კარიერის საუკეთესო ფორმაში იმყოფება. ვფიქრობ, დიდებული, ტოპ-მოთამაშეა.

ის არა მარტო შეტევებს ასრულებს, არამედ გუნდურადაც თამაშობს. ყოველთვის კარგია, როცა ასეთი ფეხბურთელი გყავს, რადგან გუნდზე თამაშობს. ჩემი აზრით, ზლატანი მსოფლიოს ერთ-ერთი საუკეთესო ფეხბურთელია.

დაცვაში ორგანიზებულობა უნდა ვაჩვენოთ და ყურადღებით უნდა ვიყოთ, რადგან საჯარიმოში ძალიან სახიფათოა. ასევე სახიფათოა, როცა ბურთს იღებს. ძალიან სახიფათო მოთამაშე! ამის გამო ჩემი ფეხბურთელები სრულიად ყურადღებით უნდა იყვნენ, მაგრამ ამავე დროს არ უნდა დაივიწყონ, რომ მათ არა მარტო ერთი ფეხბურთელი, არამედ მთელი გუნდი უნდა გააჩერონ".

წყარო: standard