"ჩელსის" თავდამსხმელი, დიეგო კოშტა გამოტყდა, რომ ძალიან მადლიერია ჟოზე მოურინიოსი, "მანჩესტერ იუნაიტედის" მთავარი მწვრთნელის.

2015 წლის დეკემბერში "ლურჯების" მთავარი მწვრთნელის პოსტიდან მოურინიოს გაძევების შემდეგ კოშტა მწვრთნელის წინააღმდეგ მოწყობილი ბუნტის ერთ-ერთ მთავარ წამქეზებლად მოიაზრებოდა. მაგრამ თავად ფეხბურთელი აცხადებს, რომ მოურინიოსადმი მხოლოდ დადებითი ემოციებით არის განწყობილი.

"უსაზღვროდ გულახდილი ვიქნები, ხალხს ყოველთვის ვეუბნებოდი, რომ მოურინიოს მადლიერი ვარ, იმიტომ, რომ ძალიან დამეხმარა. თუკი ფეხბურთელს სრულყოფილებამდე მიღწევა გსურს, საუკეთესო მწვრთნელს ეძებ, მოურინიო კი მათ შორისაა.

"ჩელსიში" მოურინიოს გამო გადავედი. "ჩელსის" წინადადებას რომ განვიხილავდი, მხედველობაში მქონდა ის ფაქტიც, რომ აქ მოურინიო იყო. ის მწვრთნელია, რომელიც ფეხბურთელებისგან ბევრს ითხოვს, ყოველთვის მაქსიმუმის მიღება სურს.

დიდი დახმარება გამიწია და მიუხედავად ჩვენი რთული მეორე სეზონისა, მოურინიო ძალიან დამეხმარა კარგ ფეხბურთელად ქცევაში", - განაცხადა კოშტამ.

წყარო: metro.co.uk