პრემიერ ლიგის 32-ე ტურის შეხვედრაში "სანდერლენდმა" "მანჩესტერ იუნაიტედს" უმასპინძლა. მოურინიოს გუნდმა ზედიზედ ნათამაშები ორი ფრის შემდეგ დამაჯერებელი გამარჯვება მოიპოვა.

პირველი ტაიმი მანჩესტერელთა უპირატესობით წარიმართა, რასაც 30-ე წუთზე ზლატანის გოლი მოჰყვა. სტუმრებმა მეორე ტაიმის დასაწყისში უპირატესობა კიდევ უფრო განამტკიცეს, 46-ე წუთზე მხითარიანმა მეტოქის კარის აღება და ანგარიშის 2-მდე გაზრდა მოახერხა. მატჩის საბოლოო წერტილი შეცვლაზე შემოსულმა მარკუს რეშფორდმა დასვა, რომელმაც ზლატანის გადაცემით ისარგებლა და ანგარიში 0-3 გახადა.

სანდერლენდი 0-3 მანჩესტერ იუნაიტედი

სტადიონი: სანდერლენდი, “ლაით ოფ სთედიუმი”
გოლები: 0:1 იბრაჰიმოვიჩი (30'), 0:2 მხითარიანი (46'), 0:3 რეშფორდი (89')
გაფრთხილებები: ნდონგი – შოუ, ლინგარდი, ფელაინი, მარსიალი, დარმიანი
გაძევება: ლარსონი (43)
მსაჯი: კრეიგ პოუსონი

შემადგენლობები:

სანდერლენდი: პიკფორდი, დენაიერი, კონე, ოვიედო (მანკილიო 39'), ჯონსი, კატერმოლი (ბორინი 66'), ლარსონი, როდუელი, ნდონგი, ანიჩებე, დეფო.

მანჩესტერ იუნაიტედი: რომერო, ბაიი, როხო, დარმიანი, შოუ (ბლინდი 61'), ერერა, ფელაინი, პოგბა, ლინგარდი (რეშფორდი 64), მხითარიანი (მარსიალი 78'), იბრაჰიმოვიჩი.