ჟოზე მოურინიომ "მანჩესტერ იუნაიტედის" გადაწყვეტილება, გადაეხადა ჯესი ლინგარდისთვის კვირაში 100 ათასი ფუნტი, შემდეგი სიტყვებით ახსნა: "თუ არ გადაუხდი, წავლენ".

"წითელმა ეშმაკებმა" ინგლისის ნაკრების ფეხბურთელს "ოლდ ტრაფორდზე" დარჩენის კიდევ ოთხწლიანი პირობა შესთავაზეს. სწორედ ეს პირობები იყო 24 წლის ფეხბურთელთან კონტრაქტის გახანგრძლივების უმთავრესი დაბრკოლება, მაგრამ მოურინიოს მიაჩნია, რომ შეთანხმება ცხადი მაგალითია იმისა, თუ როგორი სახე აქვს დღეს ფეხბურთს.

"პირველ რიგში, თუ არ გადაიხდი, წავლენ. შესაძლოა, იმის გამო გაგვაკრიტიკონ, რომ ამდენს ვიხდით, მაგრამ იმის გამოც გაგვაკრიტიკებდნენ, აკადემიის აღზრდილი ახალგაზრდა ინგლისელი ფეხბურთელი რომ დაგვეკარგა.

ვიცი, რასაც გულისხმობს ხალხი.

"მანჩესტერ იუნაიტედის" ერთ-ერთმა ლეგენდარულმა ფეხბურთელმა მითხრა, რომ სიმდიდრე თავისი კარიერის მიწურულს მოიპოვა, ეს ბიჭები კი მდიდრები კარიერის დასაწყისშივე არიან", - განმარტა პორტუგალიელმა.

ლინგარდის ახალი კონტრაქტი შეთანხმების 12 თვით გახანგრძლივების პერსპექტივას მოიცავს.

მოურინიოს იმედი აქვს, რომ მომდევნო წლებში ნახევარმცველი კიდევ უფრო წარმატებული იქნება, თავისი ღირებულება კი ჯესიმ რამდენიმე მნიშვნელოვანი გოლით დაამტკიცა, რომელთა შორის "უემბლიზე" ჩატარებულ ფინალებში თავის გამოჩენაა.

"ვფიქრობ, კარგი მოთამაშეა. თავისი ასაკისა და სამუშაოთი ბედნიერების მაგალითზე დაყრდნობით კი მგონია, რომ უკეთესი გახდება.

გარდა ამისა, ინგლისელია, აკადემიის აღზრდილია - კლუბისთვის ძალიან მნიშვნელოვანი არიან ასეთი ფეხბურთელები - ასე რომ, მნიშვნელოვანი კონტრაქტი გავაფორმეთ".

წყარო: goal.com